China News: ਜੋੜਾ ਇਨ੍ਹਾਂ ਦੋਹਾਂ ਬੱਚਿਆਂ ਤੋਂ ਛੁਟਕਾਰਾ ਪਾ ਕੇ ਨਵਾਂ ਪਰਿਵਾਰ ਕਰਨਾ ਚਾਹੁੰਦਾ ਸੀ ਸ਼ੁਰੂ
Father threw 2 innocent children from 15th floor China News in punjabi: ਚੀਨ ਵਿਚ ਇਕ ਪ੍ਰੇਮੀ ਜੋੜੇ ਨੂੰ ਆਪਣੇ ਦੋ ਬੱਚਿਆਂ ਨੂੰ ਉਨ੍ਹਾਂ ਦੇ ਅਪਾਰਟਮੈਂਟ ਬਿਲਡਿੰਗ ਦੀ ਖਿੜਕੀ ਤੋਂ ਬਾਹਰ ਸੁੱਟਣ ਲਈ ਮੌਤ ਦੀ ਸਜ਼ਾ ਸੁਣਾਈ ਗਈ ਹੈ। ਇਹ ਜੋੜਾ ਇਨ੍ਹਾਂ ਦੋਹਾਂ ਬੱਚਿਆਂ ਤੋਂ ਛੁਟਕਾਰਾ ਪਾ ਕੇ ਨਵਾਂ ਪਰਿਵਾਰ ਸ਼ੁਰੂ ਕਰਨਾ ਚਾਹੁੰਦਾ ਸੀ। ਇਸ ਖੌਫਨਾਕ ਘਟਨਾ ਤੋਂ ਬਾਅਦ ਚੀਨ ਦੇ ਲੋਕ ਗੁੱਸੇ ਵਿਚ ਆ ਗਏ ਸਨ। ਬਾਅਦ ‘ਚ ਮਾਮਲੇ ਦੀ ਸੁਣਵਾਈ ਕਰਦੇ ਹੋਏ ਅਦਾਲਤ ਨੇ ਦੋਸ਼ੀ ਝਾਂਗ ਬੋ ਅਤੇ ਉਸ ਦੀ ਪ੍ਰੇਮਿਕਾ ਯੇ ਚੇਂਗਚੇਨ ਨੂੰ ਮੌਤ ਦੀ ਸਜ਼ਾ ਸੁਣਾਈ।
ਜਾਣਕਾਰੀ ਅਨੁਸਾਰ, ਚੀਨ ਦੀ ਸੁਪਰੀਮ ਕੋਰਟ ਦੁਆਰਾ ਮੌਤ ਦੀ ਸਜ਼ਾ ਨੂੰ ਮਨਜ਼ੂਰੀ ਦੇਣ ਦੇ ਦੋ ਸਾਲ ਤੋਂ ਵੱਧ ਬਾਅਦ, ਬੁੱਧਵਾਰ ਨੂੰ ਜੋੜੇ ਨੂੰ ਮਾਰੂ ਟੀਕੇ ਦੁਆਰਾ ਮਾਰਿਆ ਗਿਆ। ਅਦਾਲਤ ਨੇ 2020 ਵਿਚ ਝਾਂਗ ਨੂੰ ਆਪਣੇ ਦੋ ਬੱਚਿਆਂ ਨੂੰ 15ਵੀਂ ਮੰਜ਼ਿਲ ਤੋਂ ਇੱਕ ਉੱਚੀ ਅਪਾਰਟਮੈਂਟ ਦੀ ਖਿੜਕੀ ਵਿੱਚੋਂ ਬਾਹਰ ਸੁੱਟਣ ਦਾ ਦੋਸ਼ੀ ਠਹਿਰਾਇਆ ਸੀ, ਜਦੋਂ ਕਿ ਯੇ ਚੇਂਗਚੇਨ ਨੂੰ ਉਸ ਦੇ ਬੁਆਏਫ੍ਰੈਂਡ ਨੂੰ ਬੱਚਿਆਂ ਨੂੰ ਮਾਰਨ ਲਈ ਮਜਬੂਰ ਕਰਨ ਦਾ ਦੋਸ਼ੀ ਠਹਿਰਾਇਆ ਗਿਆ ਸੀ।
ਝਾਂਗ ਦੀ ਇੱਕ ਦੋ ਸਾਲ ਦੀ ਕੁੜੀ ਅਤੇ ਇੱਕ ਸਾਲ ਦਾ ਲੜਕਾ ਸੀ। ਔਰਤ ਨੇ ਉਨ੍ਹਾਂ ਤੋਂ ਛੁਟਕਾਰਾ ਪਾਉਣ ਲਈ ਕਿਹਾ ਕਿਉਂਕਿ ਉਹ ਉਨ੍ਹਾਂ ਨੂੰ ਆਪਣੇ ਰਿਸ਼ਤੇ ਵਿਚ “ਰੁਕਾਵਟ” ਵਜੋਂ ਦੇਖਦੀ ਸੀ। ਇਸ ਤੋਂ ਬਾਅਦ, ਆਪਣੀ ਪ੍ਰੇਮਿਕਾ ਦੇ ਪ੍ਰਭਾਵ ਵਿੱਚ, ਝਾਂਗ ਨੇ ਆਪਣੇ ਹੀ ਬੱਚਿਆਂ ਨੂੰ ਅਪਾਰਟਮੈਂਟ ਦੀ ਖਿੜਕੀ ਤੋਂ ਬਾਹਰ ਸੁੱਟ ਕੇ ਮਾਰ ਦਿਤਾ।
ਇਕ ਰਿਪੋਰਟ ਵਿਚ ਕਿਹਾ ਕਿ ਝਾਂਗ ਨੇ ਯੇ ਚੇਂਗਚੇਨ ਨਾਲ ਇਹ ਦੱਸੇ ਬਿਨਾਂ ਅਫੇਅਰ ਸ਼ੁਰੂ ਕਰ ਦਿੱਤਾ ਕਿ ਉਹ ਵਿਆਹਿਆ ਹੋਇਆ ਹੈ ਅਤੇ ਉਸ ਦੇ ਦੋ ਬੱਚੇ ਹਨ। ਉਸ ਨੇ ਫਰਵਰੀ 2020 ਵਿੱਚ ਆਪਣੀ ਤਤਕਾਲੀ ਪਤਨੀ ਚੇਨ ਮੇਲਿਨ ਨੂੰ ਤਲਾਕ ਦੇ ਦਿਤਾ, ਪਰ ਯੇ ਚੇਂਗਚੇਨ ਨੇ ਉਸ ਨੂੰ ਆਪਣੇ ਬੱਚਿਆਂ ਨੂੰ ਮਾਰਨ ਲਈ ਮਜਬੂਰ ਕੀਤਾ। ਚੀਨੀ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀ ਗਈ ਵੀਡੀਓ ਵਿਚ ਝਾਂਗ ਨੂੰ ਆਪਣੇ ਕੰਮਾਂ ‘ਤੇ ਪਛਤਾਵਾ ਹੋਇਆ ਦਿਖਾਇਆ ਗਿਆ ਹੈ। ਉਸ ਨੂੰ ਕੰਧ ‘ਤੇ ਸਿਰ ਮਾਰਦਿਆਂ ਅਤੇ ਬੇਕਾਬੂ ਹੋ ਕੇ ਰੋਂਦੇ ਵੀ ਦੇਖਿਆ ਗਿਆ।
